بحـبك لأنك حـياتى وكيانى
وحـبك تخـطى وعى البــشر
عـدا حـدود الخـيال والأمانى
أثـر فى روحـى أغـرب أثر
فتح زهور الجمال والمعانى
لون مشاعرى بأجمل صـور
رجع طيور الشوق بالأغانى
عادت تعشش جـنب القــمر
غنت نشيدى صحت حـنانى
ضوت حروفى وصوتى ظهر
لمعت نجوم عمرى وزمانى
نورها خطى الحدود وأنتشر
حـولنى حـبك لكايـن تانى
كأنى غـير جـنـس البــشر
تعــرفى حـبك لـما آتـانـى
روانى ملانى رسمنى وحفر
روانى شوق وحنين خلانى
لحـن جـميل معزوف ع الوتر
ملانى شعور بالحب حيانى
فى زمـن بعـيد كان وأندثر
رسمنى ملاك أطير بجنانى
وسط زهور وأنهار وشجـر
حـفر أنـهار تروى بستانى
وتحيي شجـون ليلى سـمـر
حفر ف قلبى غدير الأمانى
وبأى حـب غـير حـبك كفـر
حبك بروحى ريح وريحانى
طهر فؤادى ، غسل وعصر
ثبت ف قلبى دينى وأيمانى
لأنك حبيبتى ..
الإثنين أكتوبر 01, 2007 4:24 am